Президент Садыр Жапаров бүгүн, 6-майда бир күндүк иш сапары менен Ош облусуна барат. Бул тууралуу мамлекет башчысынын маалымат катчысы Аскат Алагөзов билдирди.
Садыр Жапаров бир катар мектептердин ачылыш аземине катышат, ошондой эле Ош шаарынын мэриясынын жана президенттин Ош облусундагы ыйгарым укуктуу өкүлүнүн аткарган иштери жана пландары менен таанышат.
